Playtime наадмын танилцуулга

PLAYTIME 2018 наадам 7-р сарын 6, 7, 8-ны өдөр Монгол Шилтгээнд зохион байгуулагдах гэж байна.

2002 онд анх үүсгэн байгуулагдаж байсан тус наадам ирэх жил 17 дахь жилдээ болох бөгөөд Улаанбаатар хотын орчин үеийн хөгжмийн соёлыг хөгжүүлэх, залууст амралт чөлөөт цагаа цэвэр агаарт, байгаль орчинд ээлтэй хэлбэрээр өнгөрүүлэх, дэлхийн болон Монголын шинэ, шилдэг амьд хөгжмийн хамтлаг дуучдыг танилцуулах замаар тэдний хөгжмийн боловсролыг дээшлүүлэх зорилготой юм.

Playtime наадам нь Монгол улсад 1990-ѳѳд оны сүүлчээр, 2000-аад оны эхээр шинээр дэлгэрч эхэлсэн амьд хѳгжмийн шинэ дугаралт, түүний тѳлѳѳлѳл болсон хамтлаг, дуучид, тэдгээрийн дуу хѳгжмийг олонд хүргэх тайз нь болсноороо онцлогтой юм. Бидний сайн мэдэх олон хамтлагууд энэхүү наадмаар танигдаж байсан түүхтэй. 2002 оноос хойш нийт 500 гаруй хамтлаг, дуучин давхардсан тоогоор тус наадамд оролцож уран бүтээлээ хүргэж байсны дотор АНУ, ИХ Британи, ОХУ, Япон, Ѳмнѳд Солонгос, Ѳвѳр Монголоос урилгаар ирж оролцсон гадны хамтлаг олон байдаг. Тухайлбал, Шведийн The Radio Dept., ОХУ-ын Муммий Тролль, Английн Peter Hook and The Lights, АНУ-ын The Pains of Being Pure at Heart, Японы Mono, The Fin, Envy зэрэг дэлхийд алдартай хамтлагууд Playtime наадамд ирж тоглож байсан.

Playtime наадмаар дэлхийд алдартай, Монголоос олны танил, шилдэг, шинэ залуу 30 хамтлаг дуучин, Электроник дэнс хѳгжмийн шилдэг 20 Ди-Жэй нийт 50 гаруй хамтлаг уран бүтээлчид цэвэр агаарт 3 хоногийн турш “Playtime”, “Шинэ Давалгаа”, “Нааглихац” гэсэн гурван тайзаар дамжуулан ѳѳрсдийн уран бүтээлээ хүргэдгээс гадна La Vie En Rose асарт жазз, акустик хөгжмийн тоглолтууд болдог.

Мѳн наадмын үеэр VIP Зон, Артист Cave aсарууд засагдаж үзэгчдэд дэлхийн болон Монголын шилдэг амьд хөгжмийн уран бүтээлчидтэй танилцаж, тэдэнтэй хамт ая тухтай орчинд өнгөрүүлэх боломжтой.

Үүнээс гадна наадмын үеэр “REPLAY” буюу хотын залуус хог хаягдалаа хэрхэн багасгаж, зөв зохистой ашиглаж, өөрсдийн бүтээлч сэтгэлгээг хөгжүүлэх урлагийн хөтөлбөрийг хэрэгжүүлдэг.

Playtime наадам нь Нийслэлийн Засаг Даргын ивээл дор зохион байгуулагдаж, олон улсын амьд хөгжмийн наадам болж цар хүрээгээ улам өргөтгөсѳѳр байна. Улаанбаатар хотыг орчин үеийн урлаг хөгжмийн соелыг түгээгч нийслэл хот болгож, дэлхийд алдартай хамтлаг дуучдыг тогтмол урьж, ойрхи хөрш улсуудыг хамарсан тэргүүлэх амьд хөгжим, орчин үеийн урлагийн наадам болгож улс орондоо аялал жуулчлалыг хѳгжүүлэхэд тус наадам ѳѳрийн хувь нэмрээ оруулдаг.

Наадамтай холбоoтой мэдэллийг www.playtime.mn сайт болон www.facebook.com/PlaytimeFestival хуудаснаас авах боломжтой.

Холбогдох утас 333111, имэйл хаяг info@playtime.mn.